重整失落拼圖 | PureHeart Alchemy Angelica

分享人：Freya

花精：PureHeart Alchemy Angelica

經驗：

起初在知活的網站上，讀 PureHeart Alchemy Angelica 的產品介紹，讀到「在生命的過渡時期送上安慰」，我以為這是支適合生命有重大改變的人使用，例如失戀﹑失業﹑喪親之類。

直到復活節假期過後，身心有點虛，上知活的店行下，打算買些保護作用的花精，左手一拿起這支 Angelica，左手忽然感到很實在，像是有人在我差點跣親時，扶一扶，然後我的精神變得集中了點（好神奇！）。於是，就算我當時冇失戀冇失業，都直接帶左佢返屋企。

雖然佢比較大支，但這三個星期，我袋住佢喺手袋，一覺得冇乜安全感就向頂輪同心輪噴兩下，成個人的狀態就會回到 centered，好似將甩開左的 puzzle 砌返埋咁！

又例如，某個星期日早上，我去補習，學生和家長剛好是水象星座，又對溫書呢個活動有啲情緒。補習之前，我拿出 Angelica 俾學生同家長噴幾下，兩位的眼神由迷惘變澄明，好似放低了一些內心重擔，然後三個人花左少少時間互相 update一下，然後學生就乖乖地補習，媽媽就回到房間忙事情，現在回想起當天的畫面，都覺得好和諧！！

用了三星期，很感謝 Angelica 的陪伴，給了我信心，協助我渡過生活上一個又一個無以名狀的挑戰。