幫貓貓壯膽 | Creature Comforters Pet Blend - Courage

分享人：Bowie

花精：Creature Comforters Pet Blend - Courage 

經驗：

買依枝花精俾貓貓既緣由係因為佢病左

由鬼門關撈返佢返黎後

知道佢餘生都要定期去睇醫生

一直都知自己隻貓細膽 唔想佢一把年紀咁辛苦

係依一個契機下就試試寵物花精

 

我係 Relex放鬆同 Courage勇氣

兩枝掙扎左好耐

最後都係信自己直覺 揀左 勇氣

花精來得剛剛好 佢食咗幾日後

就撞正打風行雷既日子

香港落雨落足兩個星期有多

就算立秋過後都有雷雨

平時行雷貓貓會收埋自己到無人搵到既地方

叫都叫唔到

仲要你捉返佢出黎就會自己走返去個窿到匿埋

平時依啲時候 我都會由佢

但明顯今次唔同左 都係會驚 但無匿得咁埋

同埋多左時間會係窗台旁休息

會係個廳走動多左 明顯大膽左好多

睇獸醫通常都要係大廳等 會有好多動物

佢快咗冷靜落黎 唔會不安太耐

依一個狀態既佢俾到信心我同佢一齊行依條路

做左腎貓無得逆轉

但係有精神有食慾就可以繼續落去

大家都一齊有勇氣繼續落去