翻轉再翻轉｜喜馬拉雅 Transmutation、Findhorn Transformation、Prosperity

分享人：Evie 

花精：喜馬拉雅花精 Transmutation、Findhorn Flower Essences Transformation、Prosperity 

經驗：

兩年前講到我食左 Transmutation 之後，我同我老公本身由打算分開到之後都係繼續婚姻，不過，交完花精 review 兩個月之後，終究都係分開左。呢兩年嚟，我人生有好大嘅轉變，第一次同朋友合租、第一次自己一個人住，唔同關係上嘅改變都令我覺得人生真係好奇妙。除左親密關係有改善之外，事業上都有微妙嘅變化。

一年前仲係 2025 春夏嗰時，我搵咗店主幫我解讀星盤，流年嚟講佢話我今年 2026 年某月左右，工作上應該會有唔同，會有機會升職呀、轉工之類，我聽完之後好大反應，我話唔會喎，我份工好穩定，完全睇唔到有呢個可能性。但係我又點會諗到再穩定嘅工作都係唔可靠嘅一日呢……我竟然由 2025 年 12 月就開始慢慢搵工，不過真係一直都冇乜回音，因為我內心都唔係好肯定自己想點……

Transformation 應該就係今年春天使用嘅，直到今年夏天，事情開始慢慢歸位喇，我同老公已經見咗大半年 couple counselling 後決定一齊番，努力搵工有 interview，即使無 offer，但當係 warm up 吓，同埋睇到自己嘅不足。

最後就係我用埋 Prosperity，我覺得幫我擋到公司啲小人同埋麻煩事，至少我被惡意投訴之下，都唔係收到最嚴重嘅警告信，我已經當係佢保護咗我。另外，就係事業發展方面懂得善用 career counselling，對未來有一個更清晰嘅方向，同埋反而想感激之前冇請我嘅 position，因為真係唔係 match 我嘅 inner calling~~（我終於都聽到了 T_T 北交雙魚小子的 me~）

感謝店主引入咁多種唔同嘅花精 <3